Ключевое слово: «педагогикалық коммуникация»

Қазіргі цифрлық қоғамда педагогикалық жоғары оқу орындары болашақ ұрпақты тәрбиелейтін және заманауи білім беру сын-қатерлеріне жауап бере алатын білікті мамандарды даярлауда стратегиялық рөл атқарады. Алайда, кәсіби пәндік біліммен қатар, болашақ мұғалімдердің жұмсақ дағдыларын (soft skills) дамыту айрықша маңыздылыққа ие болуда. Мақалада цифрлық трансформация контексіндегі педагогикалық ЖОО студенттерінің жұмсақ дағдыларын дамытудың қажеттілігі қарастырылады. Эмпатия, коммуникация, ынтымақтастық, сыни ойлау және креативтілік сияқты дағдылар заманауи педагогтың кәсіби құзыреттілігінің ажырамас бөлігіне айналуда. Мақалада пәндік терең білім (hard skills) мен тұлғааралық икемді дағдылар (soft skills) арасындағы тепе-теңдікті сақтаудың маңыздылығы негізделеді. Сондай-ақ, еңбек нарығындағы өзгерістер мен білім беру ортасындағы адаптация, мәселелерді шығармашылықпен шешу және ұжымдағы тиімді әрекеттесу қабілеттерінің құндылығы талқыланады. Қорытындыда мақала авторлары цифрлық қоғамда бәсекеге қабілетті және жан-жақты дамыған педагог мамандарды даярлау үшін оқу жоспарына жұмсақ дағдыларды оқыту әдістемелерін интеграциялауды ұсынады.